Shymkent qalalyq Jastar resýrstyq ortalyǵyna jańa basshy taǵaıyndaldy
ShYMKENT. KAZINFORM-Shymkent qalasynyń Jastar resýrstyq ortalyǵynyń basshysy bolyp Janserik Juman taǵaıyndaldy.
29 jastaǵy Janserik Juman Túrkistan oblysy Tólebı aýdanynda dúnıege kelgen. Ol M. Áýezov atyndaǵy Ońtústik Qazaqstan ýnıversıtetinde bakalavrıat, magıstratýra jáne PhD doktorantýrany támamdaǵan.
Janserik Jumannyń jastar saıasaty salasynda mol tájirıbesi bar:
-2019 jyly Shymkent qalalyq Jastar resýrstyq ortalyǵynda ádisker bolyp eńbek jolyn bastady;
-2019–2020 jyldary Túrkistan oblysynyń qoǵamdyq damý basqarmasynda kelisimshart negizinde jumys istedi;
-2020–2025 jyldar aralyǵynda «AMANAT» partııasynyń Túrkistan oblystyq fılıaly janyndaǵy «Jastar rýhy» jastar qanatyn basqardy;
-2021–2023 jyldary Túrkistan qalalyq máslıhatynyń VII shaqyrylymynyń depýtaty boldy;
-2025 jyly Túrkistan oblystyq Qoǵamdyq keńestiń múshesi atandy.
Aıta keteıik, budan buryn «QazjolǴZI» AQ prezıdenti taǵaıyndalǵanyn jazǵan bolatynbyz.