Shymkent qalalyq sotynda jańadan taǵaıyndalǵan sýdıalar tanystyryldy
ASTANA. KAZINFORM — Shymkent qalalyq sotynyń tóraǵasy Ádilhan Shaıhıslamov QR Prezıdentiniń 2025 jylǵy 11 qazandaǵy № 1036 Jarlyǵymen jańadan taǵaıyndalǵan qalalyq sottardyń sýdıalaryn jarııa etti, dep habarlaıdy sottyń baspasóz qyzmeti.
Sýdıa laýazymyna kelesi azamattar kiristi:
- Shymkent qalalyq sotyna — Ydyrysov Baǵlan Quttyqojauly taǵaıyndaldy.
Ydyrysov Baǵlan Quttyqojauly 1983 jyly Qyzylorda oblysynda týǵan.
2000-2009 j. j. — Qyzylorda qalasy Іshki ister basqarmasynda tergeýshi;
2009-2010 j. j. — Astana qalasy Prokýratýrasynyń qylmystyq ister boıynsha sot aktisiniń zańdylyǵyn qadaǵalaý bóliminiń prokýrory;
2010-2012 j. j. — Astana qalasy Saryarqa Prokýratýrasynda qyzmet atqarǵan;
2012 — 2016 j. j. — Atyraý oblysy kámeletke tolmaǵandardyń isteri jónindegi mamandandyrylǵan aýdanaralyq sotynyń sýdıasy;
2016-2018 j. j. — Astana qalasy qylmystyq ister jónindegi mamandandyrylǵan aýdanaralyq sotynyń sýdıasy;
2018- 2023 j. j. — Nur-Sultan qalasy Baıqońyraýdany № 2 aýdandyq sotynyń sýdıasy;
2023-2025 j. j. — Astana qalasy qylmystyq ister jónindegi aýdanaralyq sotynyń sýdıasy boldy;
- Shymkent qalasynyń mamandandyrylǵan aýdanaralyq ákimshilik sotyna — Ótegenov Nursultan Batyrhanuly taǵaıyndaldy.
Ótegenov Nursultan Batyrhanuly 1982 jyly Ońtústik Qazaqstan oblysynda týǵan.
2005 jyldan bastap sot salysynda qyzmet etken, buryńǵy OQO, qazirgi Túrkistan oblysy men Shymkent qalasynyń sottarynda jetekshi maman, sot prıstavy, bas maman-sot otyrysynyń hatshysy, bas maman jáne bólim basshysy qyzmetin atqarǵan.
- Shymkent qalasynyń mamandandyrylǵan aýdanaralyq ekonomıkalyq sotyna — Esenbaev Erlan Maratuly taǵaıyndaldy.
Esenbaev Erlan Maratuly 1988 jyly Atyraý oblysynda týǵan.
2009-2010 j. j. — «Qazposhta» AQ-nyń Saıram aýdany boıynsha aǵa ınspektory;
2010-2014 j. j. buryńǵy OQO, qazirgi Túrkistan oblysy Saryaǵash aýdany men Shymkent qalasynyń Abaı aýdany boıynsha Salyq basqarmasynda qyzmet atqarǵan.
2014 jyldan bastap sot salysynda qyzmet etken, Shymkent qalasynyń mamandandyrylǵan aýdanaralyq ekonomıkalyq sotynda bas maman-sot otyrysynyń hatshysy, keńse meńgerýshisi jáne osy sot ákimshisiniń basshysy qyzmetin atqarǵan.
- Shymkent qalasynyń qylmystyq ister jónindegi mamandandyrylǵan aýdanaralyq sotyna — Týnalıev Baqytjan Quralbekuly taǵaıyndaldy.
Týnalıev Baqytjan Quralbekuly 1983 jyly Ońtústik Qazaqstan oblysynda týǵan.
2002-2006 j. j. — Syrdarııa oblysynyń qylmystyq sotynyń sot májilisiniń hatshysy (Ózbekstan Respýblıkasy, Syrdarııa oblysy);
2009 -2010 j. j. — «Mıkrokredıtbank» AQ bóliminiń zań keńesshisi, Syrdarııa oblysy;
2010-2012 j. j. — Syrdarııa oblysynyń Úkimet Salyq ınspektsııasynda bas ınspektor;
2015 jyldan bastap buryńǵy OQO, qazirgi Túrkistan oblysy men Shymkent qalasynyń sottarynda bas maman-sot otyrysynyń hatshysy qyzmetin atqarǵan.
Budan buryn habarlanǵandaı, Joǵarǵy sottyń úsh sýdıasy otstavkaǵa ketti.