Shymkent qalalyq Bilim basqarmasyna jańa basshy taǵaıyndaldy
ShYMKENT. KAZINFORM - Bul qyzmetti budan bylaı Gúlnaz Súleımenova atqarady.
Oqý-aǵartý mınıstrliginiń jáne Memlekettik qyzmet isteri agenttiginiń kelisimi boıynsha, qala ákiminiń ókimimen Shymkent qalasynyń Bilim basqarmasynyń basshysy laýazymyna Gúlnaz Súleımenova taǵaıyndaldy.
Gúlnaz Tóráliqyzy 1977 jyly 5 mamyrda Aqtóbe oblysy Muǵaljar aýdany Juryn sovhozynda dúnıege kelgen, qazaq, bilimi joǵary.
Q.Jubanov atyndaǵy Aqtóbe memlekettik ýnıversıtetin jáne «Turan-Astana» ýnıversıtetin bitirgen. Mamandyǵy boıynsha biliktiligi - fılolog (qazaq tili men ádebıeti), zańger, memlekettik jáne jergilikti basqarý salasynyń mamany.
Eńbek jolynyń 28 jylyn tárbıe-bilim salasyna arnaǵan.
2018-2021 jyldary Aqtóbe oblysynyń Bilim basqarmasy basshynyń orynbasary, 2021-2022 jyldary Atyraý oblysy Bilim salasynda sapany qamtamasyz etý departamentiniń basshysy boldy.
Al 2022-2024 jyldary Oqý-aǵartý mınıstrligi Bilim salasyndaǵy sapany qamtamasyz etý komıteti tóraǵasynyń orynbasary qyzmetin atqardy.
Aıta keteıik, budan buryn Túrkistan oblystyq Dene shynyqtyrý basqarmasyna jańa basshy taǵaıyndalǵanyn jazǵan bolatynbyz.