Shymkent qalalyq bilim basqarmasyna jańa basshy taǵaıyndaldy
ShYMKENT. KAZINFORM - Qala ákiminiń ókimimen Shymkent qalasy bilim basqarmasynyń basshysy laýazymyna Qýanysh Ǵalymjanuly Ysqaqov taǵaıyndaldy, dep habarlaıdy qala ákimdiginiń baspasóz qyzmeti.
Qýanysh Ǵalymjanuly 1984 jyly 31 naýryzda týǵan, qazaq, bilimi joǵary. Qarjy jáne nesıe, quqyqtaný, pedagogıka jáne psıhologııa mamandyqtary boıynsha joǵary bilim alǵan.
Eńbek jolyn 2005 jyly Shymkent qalasy ákimdiginiń qarjy bóliminiń bas mamany laýazymynan bastaǵan.
2006-2021 jyldary jeke sektorda jáne memlekettik organdarda jaýapty basshylyq qyzmetter atqardy.
2021-2024 jyldary Túrkistan oblysy Kentaý qalasy ákiminiń orynbasary, 2024-2025 jyldary Shymkent qalasynyń mádenıet, tilderdi damytý jáne arhıvter basqarmasy basshysynyń orynbasary bolyp jumys istegen.
2025 jyldyń 4- qyrkúıeginen búginge deıin Shymkent qalasynyń bilim basqarmasy basshysynyń orynbasary laýazymynda qyzmet atqaryp keldi.
Osyǵan deıin Almaty qalasy ákiminiń orynbasary taǵaıyndalǵany týraly jazdyq.