Shymkent dúkenderinde alaıaqtyq jasady degen kúdikpen gastroler eki áıel ustaldy

ShYMKENT. KAZINFORM – Shymkent qalasynda polıtseıler saýda oryndarynda alaıaqtyq jasady degen kúdikpen eki áıeldi ustady. 

Tergeý derekterine sáıkes, olar shaǵyn azyq-túlik dúkenderine kirip, «qaıtarym aqshanyń aılasyn» qoldanǵan. ıAǵnı satýshyǵa iri kýpıýrany bergendeı bolyp kórsetip, sol sátte áńgimege tartyp, asyqtyryp, nazaryn basqaǵa burǵan. Osyny paıdalanyp, qaıtarym aqshany alyp ketken. Naqtysynda, tólem múldem jasalmaǵan.

Polisia.kz-tiń habarlaýynsha, kúdiktilerdiń biri elimizdiń basqa óńirinen, ekinshisi shetelden kelgen. Qazir olardyń keminde 4 uqsas derekke qatysy bary anyqtaldy. Kúdiktiler ýaqytsha ustaý ızolıatoryna qamaýǵa alyndy. 

Tergeý áreketteri júrgizilip jatyr. Polıtseıler olardyń basqa da osyndaı qylmystarǵa qatysy bar-joǵyn tekserip jatyr.

Tártip saqshylary azamattardy alaıaqtardyń qurbany bolmas úshin barynsha muqııat bolýǵa, asyǵystyq pen nazardy basqaǵa aýdartatyn áreketterge aldanbaýǵa shaqyrady.

Eske salsaq, osyǵan deıin elimizde alaıaqtyqtyń basym bóligi sheteldik serverler men VPN arqyly júzege asyrylatynyn jazǵan edik.