Shymkent-Badam tasjolynda jeńil kólik júk kóligimen soqtyǵysyp, bir áýlettiń úsh múshesi kóz jumdy
ShYMKENT. KAZINFORM – Shymkent-Badam baǵytyndaǵy tasjolda bolǵan aýyr jol apatynan bir áýlettiń úsh múshesi qaza tapty.
Shymkent qalasy polıtsııa departamentiniń málimetinshe, qaıǵyly jaǵdaı 9 tamyzda bolǵan. Oqıǵa kezinde jeńil kólik pen júk kóligi soqtyǵysqan.
Saldarynan 44 jastaǵy áıel men eki bala oqıǵa ornynda kóz jumdy. Olar mektepke qajetti kıim-keshek pen oqý quraldaryn alý úshin Arys qalasynan Shymkentke shyqqan.
– Shymkent – Badam avtojolynda bolǵan jol-kólik oqıǵasy boıynsha qylmystyq is qozǵaldy. Qazirgi ýaqytta oqıǵanyń barlyq mán-jaıyn anyqtaýǵa baǵyttalǵan qajetti tergeý amaldary júrgizilip jatyr, – delingen polıtsııa habarlamasynda.
Sondaı-aq polıtsııa tergeý nátıjesi boıynsha tıisti protsestik sheshim qabyldanatynyn naqtylady.
Buǵan deıin Túrkistan oblysynda jol apatynan bir áýlettiń 5 qyzy kóz jumǵanyn habarlaǵan edik.
