Shymkent áýejaıyndaǵy jaǵdaıǵa baılanysty FlyArystan-nyń eki reısiniń baǵyty ózgertildi
ASTANA. KAZINFORM — 2026 jyldyń 22 shildemindk Shymkent áýejaıynyń ushý-qoný jolaǵy ýaqytsha jabylýyna baılanysty FlyArystan áýe kompanııasynyń eki reısiniń baǵyty ózgertildi. Áýe kemeleri Aqtaý men Almatydan Shymkentke baǵyt alǵan. Osyǵan baılanysty basqa da reıster keshikti.
Bul týraly aldymen áleýmettik jelilerde aqparat tarady. Keıin mán-jaıdy FlyArystan áýe kompanııasynyń baspasóz qyzmeti túsindirdi.
Kompanııanyń málimetinshe, Aqtaý — Shymkent baǵyty boıynsha ushqan FS7580 reısi Almaty áýejaıyna qonǵan. Al Almaty — Shymkent baǵytyndaǵy FS7105 reısi Shymkent áýejaıynyń ushý-qoný jolaǵy ýaqytsha jabylǵandyqtan Almatyǵa keri qaıtarylǵan.
Ushý-qoný jolaǵy qaıta ashylǵannan keıin FS7580 reısi jergilikti ýaqyt boıynsha saǵat 01:21–de Shymkentke ushyp shyqqan. Al FS7105 reısi Almatydan 02:56–da qaıta jolǵa shyqqan.
Ushý-qoný jolaǵynyń ýaqytsha jabylýyna baılanysty Shymkent — Aqtaý baǵytyndaǵy FS7579 jáne Shymkent — Almaty baǵytyndaǵy FS7106 reısteri de keshiktirildi.
FlyArystan bul sheshimderdiń áýe kompanııasyna baılanysty emes jaǵdaılarǵa baılanysty qabyldanǵanyn málimdedi. Kompanııanyń aıtýynsha, basty basymdyq — ushý qaýipsizdigi.
Eske salaıyq, qazaqstandyq áýe kompanııasy Air Astana ushaqtarynda spýtnıktik ınternetti engizýdi josparlap otyrǵany týraly jazdyq. Jańa tehnologııany synaqtan ótkizý bıylǵy jyldyń tórtinshi toqsanyna josparlanǵan.
