Shymkent áýejaıynda reısten keshigip, shý shyǵarǵan eki jolaýshy qamaldy
ShYMKENT. KAZINFORM – Shymkent áýejaıynda qoǵamdyq tártipti buzǵan Astana qalasynyń eki turǵyny 5 táýlikke ákimshilik qamaýǵa alyndy.
Astanaǵa ushatyn reısten keshigip qalǵan 28 jáne 32 jastaǵy jolaýshylar áýejaı ǵımaratynda narazylyq bildirip, qatty daýystap, qoǵamdyq orynda balaǵat sózder aıtqan.
Áýe kompanııasynyń ókilderi bolǵan jaǵdaı týraly kólik polıtsııasyna habarlap, tıisti akt jasaǵan. Polıtsııa qyzmetkerleri jolaýshylardy bólimge jetkizdi.
– Tekserý barysynda olardyń alkogoldik masań kúıde bolǵany jáne ushaqqa otyrǵyzý ýaqytyna keshikkeni anyqtaldy, – dep habarlady kóliktegi polıtsııa departamenti.
Quqyq buzýshylarǵa qoǵamdyq orynda alkogoldik masań kúıde júrgeni jáne usaq buzaqylyq jasaǵany úshin ákimshilik hattama toltyryldy. Sot sheshimimen olardyń árqaısysy 5 táýlikke ákimshilik qamaýǵa alyndy.
Buǵan deıin Astana áýejaıynda jolaýshylar 223 iPhone smartfonyn kedendik baqylaýdan jasyryn ótkizbek bolǵanyn habarlaǵan edik.
