Shymkent áýejaıynda 227 mln teńgeniń altynyn shabadanǵa jasyryp ótkizbek bolǵan
ASTANA. KAZINFORM – Ózbekstan azamattary Shymkent áýejaıy arqyly Túrkııaǵa 227,8 mln teńgeniń altynyn zańsyz alyp ótpek bolǵan, dep habarlaıdy Bas kólik prokýratýrasy.
Qadaǵalaý organynyń málimetinshe, shetel azamattary salmaǵy 2,8 kelige jýyq baǵaly metaldy kedendik baqylaýdan jasyryn ótkizýdi kózdegen.
Olar altynnyń bólshekterin shabadandardyń ishki astaryna jáne júk qaptamalaryna jaǵyp, kedendik tekserýden jasyrmaq bolǵan.
– Sot úkimi shyqqanǵa deıin quny 227,8 mln teńgeni quraıtyn 2,8 kelige jýyq altyn memleket paıdasyna tárkilendi. Bul sheshim Bas kólik prokýratýrasynyń ótinishhattary negizinde qabyldandy, – dep habarlady prokýratýra.
Qazirgi ýaqytta kúdiktilerge halyqaralyq izdeý jarııalandy.
Atalǵan derek boıynsha sotqa deıingi tergep-tekserý amaldary jalǵasyp jatyr.
Aıta keteıik, buǵan deıin Almaty áýejaıynda Antalıaǵa 3,1 keli altyn quımasyn zańsyz alyp ótpek bolǵandar sottalǵan edi. Quny 68 mln teńge bolatyn altyn memleket kirisine aınaldyrylǵan.
