Shymkent áýejaıy avıaotyn satý qyzmetinde negizsiz paıda tapqan
ShYMKENT. KAZINFORM — Bıyl Shymkentte básekelestikti qorǵaý salasyndaǵy zańnamany buzý boıynsha 7 tergep-tekserý sharasy júrgizildi.
Básekelestikti qorǵaý jáne damytý agenttigi Shymkent qalasy boıynsha departamentiniń málimetinshe, jyl basynan beri básekelestikti qorǵaý salasyndaǵy zańnamany buzý faktileri boıynsha jalpy somasy 52 mln teńgeden asa aıyppul salynǵan, onyń ishinde 36 mln teńgeden astamy bıýdjetke óndirilgen. Qazirgi ýaqytta 1 is sottyń qaraýynda jatyr.
«Shymkent» áleýmettik kásipkerlik korporatsııasy» AQ-ǵa qatysty júrgizilgen tergep-tekserý barysynda atalǵan uıymnyń ústem nemese monopolııalyq jaǵdaıǵa ıe naryq sýbektisi retinde tıisti taýar naryǵyna kirýdi shekteýge, básekelestikti bolǵyzbaýǵa jáne naryq sýbektisiniń belgili bir tutynýshylar tobynyń zańdy quqyqtaryna qysym jasaıtyn áreketterge jol bergeni anyqtaldy.
— Aktsıonerlik qoǵam men «Kazsbytgrýpp» JShS arasynda «Shymkent» ÁKK basqarýyndaǵy Shymkent qalasynyń ındýstrııalyq aımaqtary (Fosfor zaýyty, Transporttyq-logıstıkalyk aımaq, «Tassaı») qatysýshylaryn energııamen jabdyqtaýdy úılestirý jáne jetkizý týraly shart jasalǵan. Atalǵan shartqa sáıkes, «Shymkent» ÁKK seriktestiktiń osy qyzmetten túsetin jalpy tabysynyń 50 paıyzdan astamyn óz paıdasyna alyp otyrǵan. Tekserý qorytyndysymen 14 mln teńgeden astam mólsherde aıyppul salynyp, ol tolyq kólemde óndirildi, — delingen departament taratqan aqparatta.
Sondaı-aq «Shymkent áýejaıy» AQ-ǵa qatysty avıaotyndy satý naryǵynda monopolııalyq joǵary baǵany belgileý áreketine qatysty tergep-tekserý júrgizildi.
— Áýejaıdyń is-áreketinde avıaotyndy satý naryǵy boıynsha zań buzý anyqtaldy. ıAǵnı, áýejaıdyń avıaotyndy satý qyzmetinde monopolııalyq joǵary baǵany belgileý áreketimen negizsiz paıda tapqan. Nátıjesinde, qylmystyq quqyq buzýshylyq belgileriniń bolýy sebepti is materıaldary Shymkent qalasy boıynsha Ekonomıkalyq tergep-tekserý departamentine joldandy, — delingen departament aqparatynda.
Budan buryn Shymkentte 220-dan asa kásipker áleýmettik taýarǵa saýda ústemesin asyryp qosqanyn jazǵan edik.