Shymkent áýejaıy 1 sáýirden bastap kúndiz jumys istemeıdi

ShYMKENT. KAZINFORM -  1 sáýir men 3 mamyr aralyǵynda Shymkent áýejaıy 10:30-dan 18:30-ǵa deıin jumys istemeıdi. Bul týraly SCAT áýekompanııasy habarlady.

Áýekompanııanyń baspasóz qyzmetiniń málimetinshe, bul ýaqytta ushý-qoný jolaǵynda jóndeý jumystary júrgiziledi.

«Reısterdi oryndaý kestesine ózgerister engizilýine baılanysty jolaýshylarǵa áýe kompanııalardyń anyqtamalyq qyzmetterinde, qosymshalary men qyzmetterinde reıstiń mártebesin naqtylaý usynylady. Sondaı-aq áýejaıǵa barar jolda jol jumystary júrgizilip jatyr. Jol jamylǵysyn jóndeý jumystaryna baılanysty jolaýshylar áýejaıǵa aldyn ala kelip, kepteliske túspeý úshin kólikterin jańa termınaldyń turaǵynda qaldyrǵany jón», - dedi áýekompanııadan.