Shymkent, Atyraý men Aqtóbe turǵyndary terrorızmdi nasıhattaǵany úshin sottaldy

ASTANA. KAZINFORM - Shymkent qalalyq soty 2025 jylǵy mamyrda osy megapolıs turǵynyn terrorızmdi nasıhattaǵany úshin kináli dep taýyp, 7 jylǵa bas bostandyǵynan aıyrdy, dep habarlaıdy QR Ulttyq qaýipsizdik komıtetiniń baspasóz qyzmeti.

UQK tergegen qylmystyq is aıasynda ol aınalasyndaǵylardy adamdardy óltirýge shaqyryp, dinı negizde zorlyq-zombylyqty aqtaǵany anyqtaldy.

Budan bólek, maýsymda UQK materıaldaryna sáıkes, sondaı-aq Atyraý jáne Aqtóbe oblystary sottarynyń sheshimderimen dindarlar arasynda terrorızmdi nasıhattaǵany úshin elimizdiń eki azamaty tıisinshe 7 jáne 6 jylǵa bas bostandyǵynan aıyrý jazasyna kesildi.

Sonymen birge, fıgýranttar jalpy qylmystary men terrorıstik belsendi aımaqtarǵa shyǵýǵa áreketi úshin sottylyǵy bolǵan.

Atalǵan adamdarǵa qatysty úkim zańdy kúshine endi.

Jalpy bıylǵy jyldyń basynan UQK tergegen qylmystyq ister boıynsha 52 adam, onyń ishinde 2 sheteldik terrorıstik jáne ekstremıstik qylmystar jasaǵany úshin túrli merzimge bas bostandyǵynan aıyryldy.

Taǵy 52 adamǵa qatysty tergeý jalǵasýda.

Osyǵan deıin Astana jáne 3 oblysta terrorızmdi nasıhattaǵan 4 azamat ustalǵany týraly habarladyq.