Shymkent ákimdiginiń turǵyn úı basqarmasyna jańa basshy keldi

ShYMKENT. KAZINFORM — Endi bul qyzmetti Nurbol Ábdirahmanuly Júnisbekov atqaratyn bolady.

Qala ákiminiń ókimimen Shymkent qalasynyń turǵyn úı basqarmasynyń basshysy laýazymyna Nurbol Ábdirahmanuly Júnisbekov taǵaıyndaldy.

Nurbol Ábdirahmanuly 1985 jyly 15 qyrkúıekte Ońtústik Qazaqstan oblysy, Saıram aýdany, Aqsý aýylynda týǵan. Ulty qazaq, bilimi joǵary.

S.Seıfýllın atyndaǵy Qazaq agrarlyq ýnıversıtetin jáne Taraz ınnovatsııalyq-gýmanıtarlyq ýnıversıtetin bitirgen, mamandyǵy boıynsha biliktiligi — Jer resýrstaryn basqarý jáne jerdi úılestirý ınjeneri, quqyqtaný.

Eńbek jolyn 2009 jyly Shymkent qalasynyń jer kadastry fılıalynda ınjener jerge ornalastyrýshy bolyp bastady.

2012-2018 jyldary Jer kadastry ǵylymı óndiristik ortalyǵynyń sektor basshysy, ınjener-jerge ornalastyrýshysy, Saıram aýdandyq bólimshe basshysynyń orynbasary, 2018-2021 jyldary «Azamattarǵa arnalǵan Úkimet» memlekettik korporatsııasy kommertsııalyq emes aktsıonerlik qoǵamnyń Jer kadastry jáne jyljymaıtyn múlik boıynsha Túrkistan qalasy bóliminiń basshysy, 2021-2023 jyldary Shymkent qalasynyń sáýlet, qala qurylysy jáne jer qatynastary basqarmasy basshysynyń orynbasary qyzmetterin atqardy. 

2023-2025 jyldary Shymkent qalasynyń sáýlet, qala qurylysy jáne jer qatynastary basqarmasynyń basshysy boldy. 

13.01.2025 — 28.02.2025 jyldary Shymkent qalasynyń jer qatynastary basqarmasy basshysynyń mindetin ýaqytsha atqarýshy laýazymynda qyzmet etti.

Aıta keteıik, budan buryn «Ulttyq jáne at sporty túrleri ortalyǵynyń» jańa dırektory taǵaıyndalǵanyn jazǵan bolatynbyz.