Shymkent ákimdiginiń birqatar basqarma basshylary jaýapkershilikke tartyldy
Shymkent qalasy ákimdiginiń birqatar basqarma basshylary ákimshilik jaýapkershilikke tartyldy. Bul týraly QR Sybaılas jemqorlyqqa qarsy is-qımyl agenttigi Shymkent qalasy boıynsha departamentiniń basshysy Dáýren Erǵarın Facebook paraqshasynda málim etti, dep habarlaıdy QazAqparat tilshisi.
Jemqorlyqqa qarsy is-qımyl sharalaryn qabyldamaǵany úshin ákimshilik jaýapkershilikke tartylǵandar ishinde Shymkent qalasynyń energetıka jáne ınfraqurylymdy damytý basqarmasy men dene shynyqtyrý jáne sport basqarmasynyń basshylary jáne mádenıet, tilderdi damytý jáne arhıvter basqarmasynyń burynǵy basshysy bar. Olar aktıvter men mindettemeler týraly deklaratsııa usynbaǵan tulǵalardy jumysqa qabyldaǵan.
«Kúdiktiler kináni tolyq moıyndaýlaryna baılanysty ÁQBtK-niń 680-baby boıynsha ákimshilik sybaılas jemqorlyq quqyq buzýshylyqtar qysqartylǵan tártippen qaraldy. Bul baǵyttaǵy jumystar jalǵasýda»-dep jazdy Dáýren Erǵarın.
