Shymkent ákimdigi sáýlet basqarmasynyń basshysy ustalǵanyn rastady
ShYMKENT. KAZINFORM — Shymkent qalasynyń ákimdigi sáýlet basqarmasynyń basshysy Arman Ábdeshovtiń quzyrly organdar tarapynan ustalǵanyn rastady.
Shymkent qalasy ákiminiń orynbasary, ákimdik apparatynyń resmı ókili Sársen Quranbektiń aıtýynsha, atalǵan másele Ábdeshovtiń Shymkenttegi qazirgi qyzmetine emes, buǵan deıin atqarǵan jumysyna baılanysty bolǵan.
— Áleýmettik jelide tarap jatqan sondaı aqparattyń bar ekenin rastaımyz. Bul ol azamattyń, memlekettik qyzmetkerdiń bizdegi, Shymkent qalasynda atqarǵan jumysyna emes, osyǵan deıingi oryndaǵan jumystaryna qatysty ekenin málimdeımiz. Quzyrly organdar tarapynan ol kisiniń buryńǵy atqarǵan qyzmetine qatysty saýaldar týyndaǵany, soǵan qatysty másele týyndaǵany ras, — dedi Sársen Quranbek.
Aıta keteıik, budan buryn Shymkentte sáýlet basqarmasynyń basshysy Arman Ábdeshov ustalǵanyn jazǵan bolatynbyz.