Shymbulaqtyń arqan joldary ýaqytsha jabylady

ALMATY. KAZINFORM — Shymbulaq taý kýrortynda qysqy syrǵanaý maýsymyna daıyndyq jumystary júrip jatyr. Osyǵan oraı, taý kýrortyna baratyn arqan joldardyń keıbiri jabyq bolady.

Atap aıtqanda, búginnen bastap 3 qarashany qosa alǵanda «Kombı-1» jáne «Kombı-2» arqan joldary jabyq bolady. Sondaı-aq, arqan joldardyń kúzgi profılaktıkasy bolatyn ózge kúnder:

— 21 qazannan 3 qarashany qosa alǵanda «Medeý-Shymbulaq» arqan joly jabyq bolady;
— 21 qazannan 3 qarashany qosa alǵanda «KKD-4» arqan joly jabyq bolady.

21 qazannan keıin Shymbulaqqa tek eko-avtobýstarmen, taksımen nemese elekrokarlarmen kóterilýge bolady. «Medeý-Shymbulaq» avtojoly dúısenbiden jeksenbige deıin 9:00–den 13:00–ge deıin jáne 14:00–den 18:00–ge deıin jabyq.

Sondyqtan avtokólikpen 9:00–ge deıin, 13:00–den 14:00–ge deıingi túski úziliste jáne 18:00–den keıin óte alasyz. Týrıstterdiń jaıaý ótýine shekteý joq, — dep habarlady taý kýrortynyń baspasóz qyzmeti.

Eske salaıyq, buǵan deıin Shymbulaqqa bıyl Ońtústik Koreıadan 15 myńǵa jýyq týrıst keletinin jazǵanbyz.