Shymbulaqtan Oi-Qaragai-ǵa deıin: Almaty biryńǵaı týrıstik keńistik qurýdy josparlap otyr

ALMATY. KAZINFORM — Premer-Mınıstr Oljas Bektenov Almatyǵa jumys sapary barysynda Shymbulaq, Oı-Qaraǵaı, Pıoner, Qımasar jáne Býtakovkaǵa kiretin ortalyq aımaqty damytý josparymen tanysty.

Frantsýzdyq Stem International kompanııasynyń bas dırektory Vınsent Tassar qysqy týrızmmen qatar jazǵy ınfraqurylymdy damytýǵa — velo jáne jaıaý júrginshiler joldaryn qalyptastyrýǵa, belsendi demalys oryndaryn, glampıng, etno-qonaqúıler nysandaryn salýǵa jáne ekologııalyq taza kólikti iske qosýǵa basa nazar aýdarylǵanyn atap ótti. 

— Almaty taý klasteriniń ortalyq aımaǵy eki jetekshi: Shymbulaq jáne Oi-Qaragai kýrorttyq aımaqty qamtıdy. Bul eki kýrort ta jyl boıy jumys isteıtin demalys orny retinde tanylǵan. Jobany iske asyrý eki kýrortty aspaly jol, velosıped jáne jaıaý júrginshiler joldary, sondaı-aq elektr shattldary arqyly tikeleı qosýǵa múmkindik beredi. Bul týrısterdiń ortasha bolý uzaqtyǵy men kóbirek qarjy shyǵarýyna yqpal etetin birtutas týrıstik keńistik jasaıdy. Joba jyl boıyna laıyqtalǵan. Odan bólek, qys mezgilinde bolatyn usynys ta baryn atap ótý mańyzdy,— dedi ol.

Aıtýynsha, dúnıejúzilik týrıstik uıymnyń málimeti boıynsha, ol úlken ekonomıkalyq qaıtarymdylyǵymen erekshelenedi – bir adamǵa 334 dollar jáne ótkizý múmkindigin búgingi 6 myńnan bolashaqta kúnine 24 myńǵa deıin arttyrý kózdelgen. 

Aıta keteıik, búgin Premer-mınıstr Oljas Bektenov Almatyǵa jumys sapary barysynda megapolıstiń taý klasteri aýmaǵyn tikushaqpen aralap kórdi.