Shymbulaqtaǵy aspaly joldar ýaqytsha jabylady
ALMATY. KAZINFORM — Almatydaǵy Shymbulaq taý kýrorty qysqy maýsymǵa daıyndyq maqsatynda aspaly joldardyń jumysyn ýaqytsha toqtatady.
Kýrorttyń resmı áleýmettik jelidegi paraqshasynda habarlanǵandaı, josparly jóndeý jumystary 12 qazanda bastalady. Osy jóndeý jumystary kezinde keıbir aspaly joldar ýaqytsha jumys istemeıdi.
KKD-4 aspaly joly 12 qazannan 9 qarashaǵa deıin jabyq bolady.
M-1 «Medeý — Shymbulaq», K-1 jáne K-2 aspaly joldarynyń jumysy 19 qazannan 1 qarashaǵa deıin toqtatylady.
Kýrorttyń qonaqúıi men meıramhanasy ádettegideı jumysyn jalǵastyrady.
Eske salaıyq, Shymbulaq shatqalyna aparatyn jol 24 shildeden 30 qarashaǵa deıin jabyq bolatynyn habarlaǵanbyz.
