Shymbulaqta qysqy maýsym resmı túrde ashyldy
ALMATY. KAZINFORM – Almatyda qysqy týrıstik maýsym bastaldy.
Shymbulaq taý-shańǵy kýrorty dástúrli túrde 6 jeltoqsanda maýsymdy resmı túrde ashty. Aldyńǵy maýsymda munda 1,5 mln adam kelgen, al halyqaralyq basylymdar Shymbulaqty álemdegi eń úzdik 5 taý shańǵysy baǵyttarynyń qataryna engizdi.
– Jańa maýsymda Shymbulaq týrıstik belsendilik aıasyn keńeıtedi. Le Mont alańynda ár senbi saıyn kúndizgi après-ski ótedi. Qazirdiń ózinde Talǵar, Jasyl Alań, Aq Aıý jáne Aqbarsyq trassalary ashyq. Qosymsha betkeıler men Talǵar asýynan túngi syrǵanaý alańdary aýa raıy turaqty sýytqan sátten bastap iske qosylady, - delingen habarlamada.
Almaty ákimdiginiń málimetinshe, 2025 jyly qańtar-qarasha aılarynda Іle-Alataý ulttyq saıabaǵyna 901 myń adam, al qańtar-qazan aralyǵynda Shymbulaqqa 1,1 mln týrıst kelgen. 2025 jyldyń jazynda kýrort 450 myńnan astam qonaqty qabyldaǵan.
Eske salaıyq, buǵan deıin 2025 jylǵy 26 qarashada Shymbulaq taý-kýrortynda qysqy maýsymnyń tehnıkalyq ashylýy bolǵanyn jazǵanbyz.
Shymbulaq taý-kýrortynyń baspasóz qyzmeti 26 qarashadan bastap Sol jaq Talǵar jáne jańadan bastaýshylarǵa arnalǵan: Aq qonjyq, Jylan jáne Aq barys trassalarynda syrǵanaýǵa bolatynyn habarlaǵan edi.