Shymbulaqta aspaly joldar ýaqytsha jabylady

ALMATY. KAZINFORM – «Shymbulaq» bazalyq stantsııasynda ornalasqan ashyq arqan-kreslo joly jumys istemeıdi.

Bul týraly «Shymbulaq» taý kýrortynyń baspasóz qyzmeti málim etti. 

– «Medeý – Shymbulaq», «Kombı-1» jáne «Kombı-2» arqan joldary profılaktıkalyq qyzmet kórsetýge baılanysty 2 maýsymǵa deıin jabyq. Budan bólek, erteń bazalyq stantsııasynda ornalasqan ashyq arqan-kreslo joly jumys istemeıdi, - delingen habarlamada.

Sondaı-aq erteń, 24 mamyr kúni tańǵy saǵat 09:00-den 14:00-ge deıin kýrortqa baratyn kólik joly da jabylady.

Eske salaıyq, buǵan deıin jazǵy maýsym aldynda aspaly arqan joldarǵa profılaktıkalyq jumystar júrgiziletini týraly jazǵanbyz.

Osyǵan deıin «Medeý» muz aıdyny da jóndeý jumystaryna baılanysty birneshe jylǵa jabylatyny habarlanǵan.