Shymbulaqqa bıyl Ońtústik Koreıadan 15 myńǵa jýyq týrıst keledi
ALMATY. KAZINFORM – Almatyda ornalasqan Shymbulaq taý kýrorty men Ońtústik Koreıanyń MONA Yong Pyong kýrorty strategııalyq seriktestik týraly kelisimge keldi. Kazakh Tourism qoldaýymen jasalǵan kelisim eki el arasyndaǵy týrısterdiń kóbeıýine sebepshi bolmaq.
- Phenchhan qalasynda qol qoıylǵan kelisimshart aıasynda taraptar Qazaqstan men Ońtústik Koreıa arasynda jyl saıyn týrıster men nusqaýshylar almasý týraly kelisti. 2024-2025 jylǵy maýsymda Shymbulaqqa Ońtústik Koreıadan 15 myńǵa jýyq týrıst keledi dep kútiledi. Sondaı-aq Ońtústik Koreıa sportshylary Shymbulaqtaǵy taý shańǵysynan Azııa Kýbogy, frıstaıldan Álem Kýbogynyń kezeńderi jáne basqa da mańyzdy sporttyq sharalarǵa belsendi qatysady. Osy seriktestik aıasynda Shymbulaq kýrortynda ońtústik koreıalyq sportshylardyń oqý-jattyǵý jıyndary ótedi, - dep habarlady Shymbulaq taý kýrorty baspasóz qyzmeti.
Eske salaıyq, buǵan deıin Almatynyń týrıstik ınfraqurylymy týraly jazǵanbyz.
