Shymbulaqqa aparatyn joldyń jabylýyna baılanysty aspaly joldyń jumys ýaqyty uzartyldy
ALMATY. KAZINFORM – «Medeý – Shymbulaq» taý shańǵy kýrorty aspaly jolynyń jumys ýaqyty uzartylady.
Taý kýrortynyń málimetinshe, 25 shildeden bastap 31 tamyzǵa deıin «Medeý – Shymbulaq» aspaly jolynyń jumys ýaqyty bir saǵatqa uzardy. Osylaısha, aspaly jol kún saıyn tańǵy 09:00-den keshki 19:00-ge deıin jumys isteıdi.
Eske salaıyq, «Shymbulaq» taý-shańǵy kýrortyna aparatyn Medeý — Tuıyqsý avtojolynda ınjenerlik ınfraqurylymdy jańǵyrtýǵa baǵyttalǵan josparly jumystar júrgiziledi.
Osyǵan baılanysty 2026 jyly 24 shilde men 30 qarasha aralyǵynda Medeý — Tuıyqsý avtojolynda kólik qozǵalysyna ýaqytsha shekteý engizildi. Alaıda Shymbulaq shatqalyndaǵy týrıstik nysandar qalypty rejımde jumysyn jalǵastyra beredi. Jol tótenshe jaǵdaılar jáne apattyq qyzmetterdiń kólikterine, shatqal turǵyndaryna, sondaı-aq arnaıy tehnıkaǵa ashyq bolady.
Jaıaý týrıster úshin shatqal men týrıstik nysandarǵa kirý múmkindigi saqtalady. Balama baǵyt retinde Stýdentter soqpaǵyn paıdalaný usynylady. Baǵyt «Medeý» bógeti janyndaǵy № 12 jáne № 21 avtobýs baǵyttarynyń sońǵy aıaldamasynan bastalyp, bógettiń tómengi jaǵymen ótip, «Gorelnık» vızıt ortalyǵyna deıin jalǵasady.
Buǵan deıin Úlken Almaty kóliniń mańy qalaı ózgeretinin jazǵanbyz.
