«Shymbulaq» taý-shańǵy kýrortyna byltyr 1,5 mıllıon qonaq kelgen
ASTANA. KAZINFORM — 2024 jyly «Shymbulaq» taý-shańǵy kýrorty 1,5 mln qonaq qabyldady. Bul týraly QR Týrızm jáne sport mınıstrligi málim etti.
– Bul – otandyq jáne sheteldik týrısterdiń jalpy sany. Taý-shańǵy kýrortyna jazǵy jáne qysqy maýsymda shamamen birdeı týrıster kelgen. ıAǵnı, jazǵy maýsymda – 700 myń, qysqy kezeńde 800 myń adam «Shymbulaqqa» barǵan. Týrıster sanynyń jyldyq ósimi 24%-dy qurady, – dep habarlady vedomstvodan.
Almatyda ornalasqan «Shymbulaq» taý-shańǵy kýrorty el turǵyndary arasynda da, sheteldik meımandar arasynda da keńinen tanymal bola bastady. Munda kóbinese Reseı, Qytaı, Úndistan, Ońtústik Koreıa jáne Taıaý Shyǵys elderinen týrıster keledi.
Buǵan deıin habarlanǵandaı, Shymbulaqta shańǵy tebý 20 myń teńgege deıin qymbattaǵan.