Shymbulaq pen Oı-Qaraǵaı kýrorttary aspaly jol arqyly biriktiriledi

ALMATY. KAZINFORM — Almaty qalasynyń ákimi Darhan Satybaldy týrızmdi damytýǵa týrısterge arnalǵan ınfraqurylymnyń jetkiliksizdigi kedergi bolyp otyrǵanyn málimdedi.

Onyń aıtýynsha, 2025 jyly Іle-Alataý ulttyq parkine 901 myń týrıst kelse, «Shymbulaq» kýrortyna 1,1 mln adam barǵan. Al demalys jáne mereke kúnderi onda kelýshiler sany táýligine 15 myń adamǵa deıin jetedi. Bul trassa men aspaly joldarǵa shamadan tys júkteme túsiredi.

— Osy máselelerdi sheshý úshin «Shymbulaq» pen «Oı-Qaraǵaı» kýrorttaryn aspaly jol arqyly biriktiretin Almaty taý klasterin damytý jobasy júzege asyrylyp jatyr. Joba sheteldik týrıster sanyn 1 mln adamǵa deıin arttyrýǵa múmkindik beredi, al qalanyń ekonomıkasyna jyl saıynǵy úles 300 mlrd teńge kóleminde kiris ákeledi dep baǵalanyp otyr. Odan bólek qalada 3 664 nómirge arnalǵan qonaq úıler men týrıstik nysandardy salý boıynsha 25 joba júzege asyrylyp jatyr, — dedi Darhan Satybaldy.

Sondaı-aq qala ákimi 2026-2027 jyldary 38 qoǵamdyq keńistikti jańǵyrtý josparlanǵanyn atap ótti. Olardyń qatarynda Tuńǵysh Prezıdent saıabaǵy, Áýejaı kóli jaǵalaýy, Esentaı, Úlken Almaty ózenderi jáne basqa da mańyzdy demalys aımaqtary bar.

— «Qasbetten qasbetke deıin» qaǵıdaty boıynsha 68 kóshe jańǵyrtylady. Onyń aıasynda ǵımarattar jańaryp, zamanaýı shamdar ornatylady, trotýarlar tóselip, aýmaqtar kóriktendiriledi, — dedi ákim.

Eske salaıyq, buǵan deıin Shymbulaqta qysqy maýsym resmı túrde ashyldy.