Shymbulaq kýrortynda erteńnen bastap syrǵanaýǵa bolady

ALMATY. KAZINFORM — 19 qarashadan bastap Shymbulaq taý-shańǵy kýrorty tehnıkalyq rejıminde jumysyn bastaıdy.

Shymbulaq kýrortynda erteńnen bastap syrǵanaýǵa bolady
Foto: Almaty ákimdigi

Nysan baspasóz qyzmetiniń málimetinshe, alǵashqy kezeńde shańǵy tebýge «Aq Barys», «Belyı Mıshka» oqý trassalary jáne «Professor» trassasynyń tómengi bóligi qoljetimdi bolady.

— Joǵarǵy trassalardyń ashylýy aýa raıy jaǵdaıyna jáne qar jamylǵysynyń kúıine baılanysty bolady, — dep habarlady kýrort baspasóz qyzmeti.

Eske salaıyq, buǵan deıin Almaty taýlary bedeldi halyqaralyq The Worldworthy 100 reıtıngine enip, úzdik qatarynan kórindi. Shymbulaq taý kýrortynyń aspaly joly álemdegi úzdik aspaly joldar tiziminde 9-oryn alyp, alǵashqy ondyqqa endi. Kimasar shatqaly álemdegi eń úzdik 100 jaıaý serýendeý baǵyty arasynda 56-orynǵa turaqtasa, Butaqty shatqaly 79-orynǵa jaıǵasty.

Byltyr almatylyqtar Shymbulaqta 26 qarashadan bastap syrǵanaı bastaǵan bolatyn. Al 2025 jyldyń 6 jeltoqsanynda jańa maýsymnyń resmı ashylýy boldy.

Keıin taý kýrortynda qysqy syrǵanaý maýsymy 13 sáýirde jabyldy.