Shymbulaq kýrortynda elektr jaryǵy óship, aspaly joldar rezervtik qýatqa aýystyryldy

ALMATY. KAZINFORM – 21 aqpanda saǵat 14:40-ta Shymbulaq kýrortyndaǵy nysandarda elektr jaryǵy kenetten óshti. 

Kýrort qyzmetkerleri barlyq aspaly joldy rezervtik qýatqa aýystyryp, qonaqtardy stantsııalarǵa jetkizgen. Qazirgi ýaqytta negizgi – «Medeý – Shymbulaq» aspaly joly shtattyq rejımde qaıta jumys istep tur. Al «Kombı-1» jáne «Kombı-2» aspaly joldary ýaqytsha rezervtik qýatqa qosyldy.

– Aýa raıynyń qolaısyzdyǵyna baılanysty kúni boıy «Medeý – Shymbulak» jolyna aǵash qulap, qozǵalys ýaqytsha toqtady. Qazir avtokólik joly tolyq ashyldy. Jeldiń ekpini birneshe aspaly jol kabınasyna zaqym keltirdi, tehnıkalyq qyzmet mamandary jóndeý jumystaryn júrgizip jatyr, - dep habarlady kýrorttyń baspasóz qyzmeti.

Qonaqtar «Medeý – Shymbulaq» aspaly joly arqyly túsirilip jatyr. Jaralanǵandar nemese qaza tapqandar joq.

Eske salaıyq, buǵan deıin Shymbulaqqa aparatyn jolǵa shyrsha qulap, qozǵalys ýaqytsha shektelgenin jazǵanbyz. 

Jeldiń ekpini aspaly joldy da qatty terbetip, kýágerlerdiń záresin ushyrǵan.