Shildeniń 8-i kúngi kún raıy boljamy

NUR-SULTAN. QazAqparat – «Qazgıdromet» RMK-sy shildeniń 8-i kúngi kún raıy boljamyn jarııalady, dep habarlaıdy QazAqparat kásiporynnyń resmı saıtyna silteme jasap.

Ondaǵy derekterge qaraǵanda, 8 shildede ońtústik tsıklony jáne onymen baılanysqan atmosferalyq frontaldy bólikter QR terrıtorııasynyń basym bóligine yqpal etedi. Sonyń saldarynan eldiń basym bóliginde jańbyr jaýyp, ortalyqta, kúndiz soltústikte nóser jańbyr jaýady, naızaǵaı oınap, burshaq jaýyp, jel kúsheıedi, daýyl turady, ońtústikte shańdy daýyl turady, soltústikte túnde jáne tańerteń tuman túsedi.

Qaraǵandy oblysynyń soltústiginde, ortalyǵynda, kúndiz Aqmola oblysynyń ońtústik-shyǵysynda, Pavlodar oblysynyń ońtústiginde nóser jaýyn jaýady.

Qyzylorda oblysynyń basym bóliginde, Abaı oblystarynyń batysynda, ortalyǵynda, Túrkistan oblysynyń soltústiginde, shóldi aýdandarynda, Qaraǵandy oblysynyń ońtústik-shyǵysynda, Jambyl oblysynyń ońtústiginde, Almaty oblysynyń batysynda tótenshe órt qaýpi saqtalady.