Shildeniń 13-i - Qazaqstan ulttyq qaýipsizdik komıtetiniń kúni
ASTANA. Shildeniń 9-y. QazAqparat - 1992 jylǵy shildeniń 13-inde Qazaqstan Prezıdenti Nursultan Nazarbaevtyń Jarlyǵymen Qazaqstan Respýblıkasynyń Ulttyq qaýipsizdik komıteti qurylǵan bolatyn. Osy kúnnen bastap tarıh bederine UQK-niń shejiresi jazyla bastady.
Qazaqstan Respýblıkasy Ulttyq qaýpsizdik komıteti organynyń quramyna Qazaqstan Respýblıkasynyń Ulttyq qaýipsizdik komıteti, túrli departamentter, aımaqtardaǵy,óńirlerdegi, respýblıka astanasyndaǵy respýblıkalyq mańyzy bar qurylymǵa baǵynyshty qalalyq aýdandyq bólimsheler, áskerı barlaý,UQK-niń «Barlaý» qyzmeti, shekara qyzmeti, arnaıy qurylym, ǵylymı- izdestirý mekemeleri, basqa da uıymdar enedi.
Almaty qalasyndaǵy Ulttyq qaýipsizdik komıtetiniń akademııasy, QR-y UQK-niń Áskerı ınstıtýty túrli mamandardy daıarlaıdy. Akademııa túlekteri mindetti túrde shetel tilin ıgerýmen qatar zańger, jedel qyzmet jáne basqa da asa qajetti mamandyqtardy alyp shyǵady.
