Shildeden bastap Qazaqstanda úılerdiń, ǵımarattardyń energııa tıimdiligi jónindegi talaptar qoldanysqa engiziledi
ASTANA. 25 maýsym. QazAqparat - Aǵymdaǵy jyldyń shilde aıynan bastap Qazaqstanda úılerdiń, qurylystardyń, ǵımarattardyń energııa tıimdiligi jónindegi talaptar qoldanysqa engiziletin bolady.
Bul aqparatty QR Indýstrııa jáne jańa tehnologııalar mınıstrliginiń baspasóz qyzmeti taratyp otyr.
«Energııa únemdeý jáne energııa tıimdiligin arttyrý týraly» Qazaqstan Respýblıkasynyń jańa Zańyna sáıkes 2012 jylǵy shilde aıynan bastap Qazaqstanda úılerdiń, qurylystardyń, ǵımarattardyń energııa tıimdiligi jónindegi talaptar bekitiletin bolady. Talaptar tarıhı-mádenı mura obektilerine jatqyzylǵan úıler, qurylystar, ǵımarattarǵa, qyzmet merzimi eki jyldan aspaıtyn sharýashylyq maqsattaǵy ýaqytsha qurylystarǵa, qosalqy úı-jaılarǵa, jeke turǵyn úılerge, sondaı-aq saıajaı jáne baý-baqsha ýchaskelerinde ornalasqan qurylystarǵa, jalpy alańy elý sharshy metrden az bólek turǵan úılerge, qurylystarǵa, ǵımarattarǵa, ǵıbadat etý úıleri, qurylystary jáne ǵımarattaryna, bólek turǵan jylytylmaıtyn úıler, qurylystar, ǵımarattarǵa qoldanylmaıdy»,- delingen habarlamada.
