Shildede óndirýshi kásiporyndar ónimderiniń baǵasy ózgerissiz qaldy - Statıstıka
ASTANA. Tamyzdyń 2-si. QazAqparat /Marlan Jıembaı/ - Aǵymdaǵy jyldyń shilde aıynda elimizdiń óndirýshi kásiporyndary ónimderiniń baǵasy maýsym aıymen salystyrǵanda ózgerissiz qaldy.
Bul aqparatty QR Statıstıka agenttigi jarııalap otyr.
Aǵymdaǵy jylǵy shildede maýsym aıymen salystyrǵanda óńdeýshi ónerkásiptegi baǵa 0,1 paıyzǵa tómendep, al olardyń joǵarlaýy elektr energııasyn, gaz ben sýdy óndirýde jáne bólýde - 0,2 paıyzǵa joǵarylaýy tirkeldi, sonymen qatar ken óndirý ónerkásibindegi baǵa burynǵy deńgeıinde saqtaldy.
Aı ishinde baǵanyń pesh otynyna - 8,4, munaıǵa - 0,8, tabıǵı gazǵa - 0,6 paıyzǵa joǵarylaýy, kerosınge - 12,2, gaz kondensatyna - 3,6, benzınge - 2,1, otyndyq mazýtqa - 0,2 paıyzǵa tómendeýi baıqaldy.
Sonymen qatar bir aıda baǵa qymbat metaldarǵa - 2,5, qorǵasyn, myrysh jáne ferroqyrytpalarǵa - 0,3 paıyz joǵarylap, óńdelmegen alıýmınıı men mysqa - 5,2, qara metaldardy prokattaýǵa - 0,7 paıyz tómendedi.
