Shildede Qazaqstannan Japonııaǵa jańa áýe reısi ashylady
NUR-SULTAN. QazAqparat - Nur-Sultan men Máskeý aralyǵynda áýe resteriniń sany artady. Bul týraly Parlament Senatynda kólik-logıstıkalyq qyzmetterdi damytýǵa arnalǵan dóńgelek ústel otyrysynda QR Indýstrııa jáne ınfraqurylymdyq damý vıtse-mınıstri Berik Kamalıev málim etti, dep habarlaıdy QazAqparat tilshisi.
«Biz jaqynda Reseıdiń kólik mınıstrligimen «Nur-Sultan-Máskeý» aralyǵynda áýe saparlarynyń jıiligin arttyrý boıynsha ýaǵdalastyqqa qol jetkizdik. ıAǵnı, ár taraptan aptasyna 12-den 21-ge deıin kóbeıtý eskerilgen. Osy oraıda ekinshi tasymaldaýshy bekitildi. «Eır Astana» aptasyna 14 reıs, al «SKAT» 7 reısti oryndaıdy. Osy arqyly, kún saıyn atalǵan baǵytta 6 reıs qamtylady. Bul sharalar bılet qunyn arzandatý maqsatynda iske asyryldy», - dep túsindirdi Kamalıev.
Budan bólek ol jańa reıster týraly aıtyp berdi.
«2019 jyldyń 2 maýsymynan bastap «SKAT» áýe kompanııasy «Nur-Sultan - Praga» baǵytynda turaqty reısterdi bastady. Sonymen qatar, «Nur-Sultan - Ulanbatyr» aralyǵynda reıs ashyldy. 6 shildede «SKAT» áýe kompanııasy memlekettik qoldaýmen jáne sýbsıdııalaýmen Tokıoǵa reıster ushyrady. Sondyqtan vıza bolǵan jaǵdaıda osy reıstiń múmkindigin paıdalanýǵa bolady»,- dedi vıtse-mınıstr.
Onyń sózine qaraǵanda, bıyl kúzde Shanhaı baǵytynda reısti iske qosý josparlanyp otyr.
Eske salsaq, buǵan deıin Nur-Sultannan Tokıoǵa qatynaıtyn áýe reısin memleket sýbsıdııalaıtynyǵyn jazǵan bolatynbyz.
