Shildede halyqtyń ortasha jan basyna shaqqandaǵy aqshalaı tabysy 39364 teńgeni qurady - Statıstıka agenttigi
ASTANA. Qyrkúıektiń 13-i. QazAqparat /Marlan Jıembaı/ - Shildede halyqtyń ortasha jan basyna ataýly aqshalaı tabystary baǵalaý boıynsha 39364 teńgeni qurady. Bul týraly búgin elordada elimizdiń aǵymdaǵy jyldyń qańtar-tamyz aılaryndaǵy áleýmettik-ekonomıkalyq damýynyń qysqasha qorytyndylaryna arnalǵan baspasóz máslıhaty barysynda QR Statıstıka agenttiginiń tóraǵasy Álıhan Smaıylov málim etti.
«Shildede halyqtyń ortasha jan basyna ataýly aqshalaı tabystary baǵalaý boıynsha 39364 teńgeni qurady. Ótken jyldyń sáıkesinshe kezeńimen salystyratyn bolsaq, ataýly aqshalaı tabystar 12,6 paıyzǵa, al naqty aqshalaı tabystar 5,5 paıyzǵa ósti», dedi ol óz sózinde.
Sonymen qatar agenttik tóraǵasynyń atap ótýinshe, shilde aıynda qyzmetkerlerge eseptelingen ortasha jalaqy 82282 teńgeni quraǵan. Bul ótken jyldyń sáıkes kezeńimen salystyrǵanda 18 paıyzǵa óskendigin kórsetedi. Al naqty jalaqy ındeksi 10,6 paıyzǵa teń.
