Shildede elimizdegi turǵyn úı baǵasynyń ósýi baıqaldy - Statıstıka
ASTANA. 8 tamyz. QazAqparat - Qazaqstanda ótken shilde aıynda turǵyn úı naryǵyndaǵy baǵanyń ósýi baıqaldy. Bul týraly QR Statıstıka agenttiginiń baspasóz qyzmetinen habarlandy.
Agenttik málimetterine qaraǵanda, 2012 jylǵy shildede ótken aımen salystyrǵanda jańa turǵyn úılerdi satý baǵasy 0,4 paıyzǵa, kórkeıtilgen jáne kórkeıtilmegen turǵyn úılerdi alyp satý - 1,1 paıyzǵa ósken. Sonymen qatar, kórkeıtilgen turǵyn úılerdi jalǵa berý baǵasy da 0,9 paıyzǵa ósti.
Atap aıtqanda, turǵyn úı naryǵynda shilde aıynda jańa turǵyn úılerdi satý baǵasy olardyń sharshy metrine 165 223 teńgeni quraǵan. Al kórkeıtilgen turǵyn úılerdi alyp satýdyń sharshy metri 122 049 teńgeni qurasa, odan tómengi sanattaǵy turǵyn úı baǵalary sharshy metrine 71 463 teńgeni quraǵan.
