Shildede elimizde birneshe jyldan beri bolmaǵan aptap ystyq tirkeldi
Temperatýra batys óńirlerde aıdyń basynda, soltústikte ekinshi jartysynda, shyǵys pen ońtústik-shyǵysta aıdyń ortasynda eń joǵary kórsetkishke deıin kóterildi.
8 shildede Atyraý meteortalyǵynda eń joǵary temperatýra +42,0°S boldy, mundaı kórsetkish keıingi ret 2011 jyly tirkelgen. Ol kezde +41,9°S bolǵan.
10 shilde Oralda kúnniń ystyǵy 2015 jyldan beri qaıtalanbaǵan 42,0°S-qa jetti.
11 shilde Aqtóbede aýa temperatýrasy +42,3°S bolyp, 2008 jylǵy rekordtan asyp tústi. Ol kezde 41,0°S ystyq bolǵan.
Qostanaıda 10-12 shilde kúnderi rekord kórsetkishter tirkeldi. 11 shildede aýa temperatýrasy +40,5°S-qa jetip, 2020 jylǵy rekordtan (+37,0°S) asyp tústi.
Petropavlda 10-13 shilde aralyǵynda, ıaǵnı tórt kún qatarynan aptap ystyq bolǵanymen, 12 shilde kúni termometr baǵany rekordtyq +40,0°S-qa jetti. Mundaı temperatýra meteobaqylaý tarıhynda buryn-sońdy bolmaǵan. Keıingi ret maksımaldy joǵarǵy temperatýra 1993 jyly tirkeldi (+30,6°).
Pavlodarda kún 38,5°S-qa deıin ysyp, 1981 jylǵy rekordty jańartty. Sol jyly dál osy kúni aýa temperatýrasy 35,0°S deıin kóterilgen.
Kókshetaýda 12 shildede meteobaqylaý tarıhynda buryn-sońdy bolmaǵan +39,2°S tirkeldi, keıingi ret eń joǵary temperatýra 2013 jyly 30,5°S bolǵan.
Jezqazǵanda úsh kún qatarynan kún ysyp, onyń sharyqtaý shegi 13 shildede tirkeldi. Termometr baǵany +44,0°S-qa jetti. 2015 jyly bul óńirdegi eń joǵarǵy temperatýra +39,5°S bolǵan.
Tarazda 13 shildede maksımal aýa temperatýrasy 42,1°S-qa kóterilip, rekord ornatylǵan. Eń keıingi ystyq 2016 jyldyń dál osy kúni tirkelgen (+38,1°S).
Óskemende 14 shildede aýa temperatýrasy 39,9°S kóterilip, 2013 jylǵy rekordtan asyp tústi. Ol kezde dál osy kúni +34,2°S bolǵan.
Rıdderde ol kúni termometr baǵany +36,5°S-qa jetip, 2015 jylǵy rekordty jańartty.
Astana qalasynda 11-13 shildede eki kún qatarynan joǵary temperatýra tirkeldi, eń joǵary kórsetkish 12 shildede (+38,1°S) boldy. Dál osy kúngi mundaı aptap ystyq keıingi ret 2013 jyly tirkelgen. Ol kezde termometr baǵany 32,7°C-qa kóterilgen bolatyn.
Qazaqstannyń kóp bóliginde jaýyn-shashyn normadan az tústi. Degenmen, batys óńirlerde frontaldy bólikter kúsheıip, nóser jańbyr jaýdy.
16 shildede Oralda bir táýlik ishinde eki aılyq normadan kóp, ıaǵnı 104 mm jańbyr jaýdy. Norma – 43 mm bolatyn. Kamenkada bir aıdaǵy norma 26 mm bolsa, bir táýlik ishinde 133 mm jaýyn-shashyn tústi.
Sonymen qatar, aı boıy Qazaqstannyń kóp bóliginde 5 baldyq órt tutaný qaýpi saqtaldy. Dostyq avtomatty meteostantsııasynda (Jetisý oblysy) aıdyń ekinshi bóliginde jáne aı sońynda jeldiń kúshi sekýndyna 31-38 metrge jetti.
Temirtaýda 21 shildede jel 32 m/s ekpinmen soqty.