Shildede eksporttalatyn taýarlar baǵasy 1,5 paıyzǵa tómendedi - Statıstıka
ASTANA. 12 qyrkúıek. QazAqparat - Aǵymdaǵy jylǵy shildede maýsymmen salystyrǵanda eksporttalatyn taýarlarǵa baǵa 1,5 %-ǵa tómendedi, al ımporttalatyn taýarlarǵa - 2,4%-ǵa joǵarylady. Bul týraly QR Statıstıka agenttiginiń baspasóz qyzmetinen habarlady.
Eksporttyq jetkizilimderge bir aıǵa baǵanyń temir kenderine - 10,3%, kómirge - 9,9%, myryshqa - 4,9%, tabıǵı gazǵa - 4,6%, ferroqorytpalarǵa - 2,7%, mysqa - 1,3%, qorǵasynǵa - 1,1%, munaı ónimderine - 1%-ǵa tómendeýi, olardyń gaz kondensatyna - 29,8%, qara metaldan jasalǵan buıymdarǵa - 1,6%, suıytylǵan propanǵa - 0,9%-ǵa joǵarylaýy belgilendi. Baǵa bıdaıǵa - 4,1%, maqtaǵa - 1,1%-ǵa tómendedi, temekige - 5,6%, júnge - 0,3%-ǵa joǵarylady.
Importtyq túsimderden kúrish - 16,3%, kofe - 12,6%, dári-dármekter - 7,4%, shujyq ónimderi - 5,9%, qus eti - 2,5%, sút ónimderi - 1,7%, margarın - 1%-ǵa qymbattady. Balyq - 10,9%, shaı - 8,6%, ósimdik maıy - 4,6%, makaron ónimderi - 3,9%, qant - 3%-ǵa arzandady.
