Shildede birqatar óńirlerde kommýnaldyq tarıfter ózgeredi

Bul týraly búgin QR Tabıǵı monopolııalardy retteý agenttigi tóraǵasynyń orynbasary Amanjol Alpysbaev vedomstvonyń kezekti brıfınginde málim etti.

Ústimizdegi jylǵy 1 shildeden bastap osy qyzmetterge tarıfter Qaraǵandy oblysynda ǵana kóteriledi. «Qaraǵandy sý» JShS úshin 2013-2015 jyldarǵa arnalǵan úsh jylǵa, tıisinshe sýmen jabdyqtaý jáne sýdy burý qyzmetterine 90% jáne 70%-ǵa ósip tarıfterdiń shekti deńgeıleri engizildi. Budan basqa tarıfke sýmen jabdyqtaý júıelerin qaıta jańartý men jańǵyrtýǵa arnalǵan ınvestıtsııalyq baǵdarlamalardy iske asyrý áser etedi», - dedi A.Alpysbaev.

Osylaısha, Qaraǵandy qalasynyń turǵyndary úshin tarıf sýǵa 1000 lıtrge 110,05 teńgeni (57,92 teńge boldy), kárizge - 1000 lıtrge 81,22 teńgeni (47,78 teńge boldy) quramaq.

Sonymen qatar óńirlerdiń birqatarynda (SQO, ShQO, OQO, Aqmola, Almaty, Qyzylorda, Mańǵystaý oblystary) ýaqytsha ótemdik tarıfterdi engizýmen baılanysty tarıfterdiń eleýsiz tómendeýi baıqalady.

Eger Soltústik Qazaqstan oblysynda Aqjar aýdany «Talapker» MKK halyq úshin sýmen jabdyqtaý qyzmetterine tarıfter 1000 lıtrge 75,91 teńge tarıfpen 2,6%-ǵa tómendese, Mańǵystaý oblysynda «Qazatomónerkásip MAEK» JShS 1 adamǵa aıyna 1m3-tan astam tutyný normasymen tarıf 68%-ǵa kemidi jáne 1000 lıtrge 153,05 teńgeni qurady (92,84 teńge boldy).

Halyq úshin sýdy burý qyzmetterine (káriz) tarıfter Aqmola oblysynda: «Kókshetaý Sý Arnasy» MKK 1000 lıtrge 57,19 teńge tarıfpen 2%-ǵa (58,13 teńge boldy), «Býrabaı Sý Arnasy» MKK 1000 lıtrge 90,74 teńge tarıfpen 3%-ǵa (92,84 teńge boldy) tómendedi.

Ońtústik Qazaqstan oblysynda: Maqtaral aýdany «Toıjan» SPKV tarıfi 1 %-ǵa tómendeıdi jáne 1000 lıtrge 90 tıyndy quraıdy (92 tıyn boldy), Maqtaral aýdany «Murat» SPKV tarıfi 7 %-ǵa tómendeıdi jáne 1000 lıtrge 98 tıyndy quraıdy (1,04 teńge boldy).

TMRA tóraǵasynyń orynbasary atap ótkenindeı, ústimizdegi jylǵy shildede elektr energııasymen jabdyqtaý jáne jylýmen jabdyqtaý jáne jańar-jaǵarmaı sııaqty rettelip kórsetiletin kommýnaldyq qyzmetterge respýblıka boıynsha tarıfter kóterilmeıdi.