Shildede bir qyzmetkerdiń ortasha aılyq ataýly jalaqysy 112 792 teńgeni qurady - Statıstıka
ASTANA. 15 tamyz. QazAqparat -2013 jylǵy shildede bir qyzmetkerdiń ortasha aılyq ataýly jalaqysy 112 792 teńgeni qurady. Ataýly jalaqy ındeksi 2012 jylǵy shildege 105,8, al naqty jalaqy ındeksi 99,9 qurady, dep habarlady QR Statıstıka agenttiginiń baspasóz qyzmetinen.
Salalyq qurylymda eń úlken jalaqy kásibı, ǵylymı jáne tehnıkalyq qyzmette - 211,5 myń teńge (ortasha respýblıkalyq deńgeıden 1,9 esege asady), ken óndirý ónerkásibi men karerlerdi qazýda - 208,5 myń teńge, qarjy jáne saqtandyrý qyzmetinde - 198,0 myń teńge (1,8 ese) belgilendi. Eń tómengi jalaqy aýyl, orman jáne balyq sharýashylyǵy qyzmetkerlerinde belgilendi - 56,6 myń teńge, bul el boıynsha orta kórsetkishten 49,8 paıyzǵa tómen.
Óńirlik bóliniste eń joǵarǵy jalaqy Atyraý oblysynda belgilendi - 197,1 myń teńge, bul ortasha respýblıkalyq kórsetkishten 1,7 esege asady. Jambyl jáne Soltústik Qazaqstan oblystarynda munyń shamasy 79,3 myń teńgeni qurady, bul el boıynsha ortasha deńgeıden 29,7 paıyzǵa kem.
