Shildede azyq-túlik baǵasy byltyrǵyǵa qaraǵanda birshama qymbattady
ASTANA. QazAqparat - 2014 jylǵy shildede azyq-túlik taýarlarynyń baǵasy 2013 jylǵy shildemen salystyrǵanda 7 paıyzǵa ósti. Bul týraly QR Statıstıka agenttiginiń baspasóz qyzmetinen habarlandy.
Agenttik málimetterine qaraǵanda, 2014 jylǵy shildede 2013 jylǵy tıisti aımen salystyrǵanda baǵa qantqa 17,6 paıyz, sút ónimderine - 10,5 paıyz, unǵa - 9,6 paıyz, balyq jáne teńiz ónimderine - 8,8 paıyz, kofe, shaı jáne kakaoǵa - 8,7 paıyz ósken. Sonymen qatar, baǵa alkogoldi ishimdikterge - 8,1 paıyzǵa, toqash jáne un ónimderine - 7,9 paıyzǵa, makaron ónimderine - 7,8 paıyzǵa, jemister men kókónisterge, kondıterlik ónimderge - 6,4 paıyzǵa, nanǵa - 5,7 paıyzǵa, maı jáne toń maıǵa - 1 paıyzǵa kóterildi. Sonymen bir mezgilde, jarmalarǵa 3,7 paıyzǵa baǵanyń tómendeýi baıqaldy.
Budan bólek, atalǵan kezeńde et jáne et ónimderi baǵasynyń ósimi 3 paıyzdy qurady. Shujyq ónimderine baǵa deńgeıi 9 paıyz, qus etine - 3,8 paıyz, jylqy, shoshqa etine - 3,7 paıyzdan, sıyr etine - 0,6 paıyzǵa, qoı etine - 0,3 paıyzǵa joǵary boldy.
