Shildede altyn-valıýta rezervteri qalaı ózgerdi

NUR-SULTAN. QazAqparat - Ulttyq bank tóraǵasynyń orynbasary Álııa Moldabekova bıyl shilde aıyndaǵy altyn-valıýta rezervteriniń shildedegi dınamıkasy týraly pikir bildirdi, dep habarlaıdy QazAqparat.

«Aldyn ala derekter boıynsha altyn-valıýta rezervteri bir aıda 76 mln AQSh dollaryna shamaly azaıyp, bıylǵy jylǵy 30 shildede 35 mlrd AQSh dollaryn qurady. Rezervterdiń tómendeýi erkin aıyrbastalatyn valıýtadaǵy aktıvterdiń qysqarýy esebinen oryn aldy», - dedi ol.

«Ekinshi jaǵynan, altyn portfeliniń ósýi EAV-daǵy aktıvterdiń tómendeýin tolyqtaı teńestirýge múmkindik berdi. Álemdegi koronavırýspen kúrestegi kúrdeli jaǵdaı jáne álemdik ekonomıkanyń belgisiz damý perspektıvalary aıasynda altynnyń baǵasy shildede bir ýntsııa úshin 1 828 AQSh dollaryna deıin 4%-ǵa ósti, al Ulttyq banktiń altyn-valıýta aktıvteriniń quramyndaǵy altyn portfeli 959 mln AQSh dollaryna ósti», - dedi Álııa Moldabekova.