Shilde aıynyń basynda N. Nazarbaev atyndaǵy Halyqaralyq ýnıversıtettiń tanystyrylymy ótedi - M. Áshimbaev
áýirdiń 28-i. QazAqparat /Qanat Mámetqazyuly/ - Aǵymdaǵy jylǵy shilde aıynyń basynda elordadaǵy N. Nazarbaev atyndaǵy Halyqaralyq ýnıversıtettiń tanystyrylymy ótedi.
Bul týraly «Jastar Qazaqstan halqynyń birligi úshin» atty jalpyulttyq forýmy barysynda sóz sóılegen QR Prezıdenti Ákimshiligi basshysynyń orynbasary Máýlen Áshimbaev málim etti, dep habarlaıdy QazAqparat.
«Aǵymdaǵy jyly N. Nazarbaev atyndaǵy Halyqaralyq ýnıversıteti ashylady. Bul oqý orny postkeńestik keńistiktegi eń aldyńǵy qatarly zııatkerlik bilim men ǵylym ortalyǵyna aınalady dep boljanýda. Shilde aıynyń basynda atalǵan ýnıversıtettiń tanystyrylymy ótedi dep josparlanyp otyr, al qyrkúıek aıynan bastap oqý ornynda daıyndyq kýrstary júrgizile bastaıdy», dedi M. Áshimbaev.
Onyń aıtýynsha, Memleket basshysynyń tikeleı qoldaýymen salynyp jatqan ýnıversıtette álemniń aldyńǵy qatarly ýnıversıtetteriniń oqytýshylary dáris oqıtyn bolady. Ýnıversıtet janynan ınjenerlik ǵylym mektepteri, medıtsına mektebi, memlekettik basqarý jáne bıznes mektepteri de qurylady dep josparlanǵan. Bulardyń barlyǵy álemniń aldyńǵy qatarly bilim mekemelerimen áriptestik baǵytta qyzmet etetin bolady.
