Shilde aıynyń basynda 3 óńirde qýańshylyq bolady - Qazgıdromet

NUR-SULTAN. QazAqprat – Qazgıdromet birneshe óńirde shilde aıynyń basynda qurǵaqshylyq bolady dep boljap otyr, dep habarlaıdy QazAqparat.

«Qyzylorda oblysynyń Jalaǵash, Aral, Shıeli, Qazaly jáne Qarmaqshy aýdandarynda, Mańǵystaý oblysynyń Beıneý jáne Mańǵystaý aýdandarynda, Atyraý oblysynda Mahambet, Jylyoı, Qurmanǵazy jáne Balyqshy aýdandarynda 2022 jylǵy shilde aıynyń birinshi onkúndiginde atmosferalyq qurǵaqshylyq kútilýde», - delingen Qazgıdromettiń habarlamasynda.

Buǵan deıin habarlaǵandaı, Qazgıdromet Aqtóbe oblysynyń Áıteke bı, Qyzylorda oblysynyń Qarmaqshy jáne Qazaly aýdandarynda jaýyn-shashyn az jaýatyndyǵyn boljaǵan edi.