Shilde aıynyń basynan beri elimizde 1,6 myń bala koronavırýs juqtyrǵan
NUR-SULTAN. QazAqparat – Shilde aıynyń basynan beri elimizde 1682 bala koronavırýs juqtyrǵan, dep habarlaıdy QazAqparat.
Ortalyq kommýnıkatsııalar qyzmetinde BAQ ókilderiniń saýalyna jaýap bere otyryp, Sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova osyndaı statıstıka keltirdi.
«Balalar týraly aıtsaq, qańtar aıynan beri 28 267 bala koronavırýspen aýyrǵan. Onyń ishinde 54 jańa týǵan náreste bar. Shildeniń 7 kúninde 1 682 balanyń vırýs juqtyrǵany tirkeldi. ıAǵnı, shildeniń ǵana málimeti balalar arasynda syrqattanýdyń úlesi artqanyn aıtýǵa bolady. Búginde balalar COVID-19-ben jyl basyndaǵydan jıirek, byltyrǵydan áldeqaıda jıirek aýyryp jatyr. Biraq balalardyń 84 paıyzy aýrýdy jeńil, sımptomsyz formada ótkerip jatqanyn aıtý kerek. Al 16 paıyzy orta aýyr dárejede ótkerip jatyr», - dedi komıtet basshysy.
Aınash Esmaǵambetova balalar arasynda vırýs juqtyrýdyń jıileýi eresekterdiń baıaý vaktsına alyp jatqanymen tikeleı baılanysty ekenin aıtty.
«Shynymen de eresekter balalarǵa qajet ujymdyq ımmýnıtet qalyptastyra almady dep aıtýǵa bolady. Óıtkeni ujymdyq ımmýnıtetke qajet 60 paıyzdyq úles Qazaqstan halqynyń eresekteriniń sanymen shamalas. 18-ge tolmaǵan, vaktsına almaıtyn balalardyń sany shamamen – 6 mln. ıAǵnı, 60 paıyzdyq ujymdyq ımmýnıtet qalyptastyryp, balalarymyzdy qorǵaý úshin barlyq eresekter ekpe alýy kerek. Óıtkeni balalar men júkti adamdarǵa ekpe alýǵa bolmaıdy. Osy sanat biz úshin táýekel toby bolyp otyr. ıAǵnı eresekter vaktsına alý arqyly ekpe alýǵa bolmaıtyn adamdardy aýrýdan qorǵaýy kerek», - dedi Sanıtarlyq-epıdemıologııalyq baqylaý komıtetiniń basshysy.
