Shilde aıyndaǵy teńge depozıtine usynylatyn maksımaldy syıaqy mólsherlemesi jarııalandy

NUR-SULTAN. QazAqparat - Qazaqstannyń depozıtterge kepildik berý qory teńge depozıtteri boıynsha 2021 jyldyń shilde aıyna usynylatyn eń joǵary syıaqy mólsherlemelerin bekitti, dep habarlaıdy QazAqparat qordyń baspasóz qyzmetine silteme jasap.

«Qysqa merzimdi depozıtter boıynsha usynylǵan maksımaldy mólsherlemeler Qazaqstannyń Ulttyq bankiniń bazalyq mólsherlemesiniń máni qaıta qaralmaǵandyqtan ózerissiz qaldy. Eske salamyz, olardyń deńgeıi osy bazalyq mólsherlemege tikeleı táýeldi.

24 aıǵa arnalǵan uzaq merzimdi jınaq jáne merzimdi salymdar boıynsha maksımaldy mólsherlemeler de burynǵy deńgeıinde qaldy», delingen habarlamada.

Qordyń málimdeýinshe, buǵan depozıt naryǵynyń osy segmentinde belsendiliktiń tómendigi sebep bolǵan. Bul rette teńgelik depozıtterdiń ishinde eń tabystysy – 14 paıyz 12 aıǵa arnalǵan, tolyqtyryp otyrýǵa bolmaıtyn jınaq salymdary.