Shilde aıyndaǵy ınflıatsııa 0,1 paıyzdy qurady

Atap aıtqanda, shildede baǵa azyq-túlik emes taýarlaryna jáne aqyly qyzmetterge 0,3 paıyzǵa ósse, azyq-túlik taýarlaryna - 0,2 paıyzǵa tómendegen.

Máselen, ótken aıda respýblıka boıynsha ortasha baǵa ósimi qus etine 4,3 paıyz, jumyrtqaǵa - 4,2 paıyz, kúrishke - 3,8 paıyz, qantqa - 2,6 paıyz, unǵa - 2,2 paıyz, shaıǵa - 1,7 paıyzdy qurap otyr. Sonymen qatar, baǵanyń suly jarmaǵa - 1,6 paıyzǵa, salqyndatylǵan sýsyndarǵa - 1,2 paıyz, toqash jáne unnan daıyndalatyn kondıter ónimderine - 1,1 paıyz, konservilengen sútke - 1 paıyzǵa, untaq jarmaǵa, shujyq, et ónimderine - 0,9 paıyzdan, kondıterlik ónimderge - 0,8 paıyzǵa, nanǵa, makaron ónimderine, máıekti irimshikke - 0,7 paıyz, sary maıǵa, ósimdik-sary maıyna - 0,6 paıyzdan, balyq jáne teńiz ónimderine - 0,4 paıyz, qyshqyl sút ónimderine - 0,3 paıyzǵa artqandyǵy belgilendi.

Sonymen bir mezgilde baǵanyń tómendeýi kartopqa 19,9 paıyz, jańadan jınalǵan kókónisterge - 7,8 paıyz, jańadan jınalǵan jemisterge - 1,6 paıyz, shıki sútke - 0,6 paıyz, kúnbaǵys maıyna - 0,4 paıyzǵa tirkelgen.

Budan bólek, shilde aıynda farmatsevtıkalyq ónimder - 1,1 paıyz, úıge qajetti zattar - 0,4 paıyzǵa, kıim jáne aıaqkıim, jýǵysh jáne tazalaǵysh quraldar, jeke paıdalanýǵa arnalǵan taýarlar, turmystyq aspaptar - 0,3 paıyzdan qymbattady.

«Sondaı-aq, baǵa deńgeıi pochta qyzmetterine 2,4 paıyz, keshendi demalystardy uıymdastyrýǵa - 1,8 paıyz, sanatorıler qyzmetterine - 1,7 paıyz, turǵyn úı-jaılardy jóndeý jáne qyzmet kórsetý boıynsha - 1,2 paıyz, meıramhanalar men qonaq úıler - 1,1 paıyz, shashtarazdar men jeke qyzmet kórsetý oryndarynyń - 0,7 paıyzǵa, alys qashyqtyqqa qatynaıtyn jolaýshylardyń temir jol kólik jáne qalaaralyq avtobýs jolaqysyna - 0,4 paıyzǵa joǵary boldy. Turǵyn úı-kommýnaldyq qyzmetter salasynda tarıfter taratý jelileri boıynsha tasymaldanatyn gaz baǵasy 2,8 paıyzǵa, ystyq sýǵa - 0,3 paıyzǵa, qoqys shyǵarý qyzmeti 0,2 paıyzǵa ósken», - dep habarlaıdy agenttiktiń baspasóz qyzmeti.