Shilde aıynda jumyspen qamtylǵandar sany 0,7%-ǵa artty - Statıstıka agenttigi

ASTANA. 12 tamyz. QazAqparat - 2013 jyldyń shildesinde ótken jyldyń shildesimen salystyrǵanda jumyspen qamtylǵandar sany 56,4 myń adamǵa nemese 0,7%-ǵa kóbeıdi, dep habarlady QR Statıstıka agenttiginiń baspasóz qyzmetine silteme jasap primeminister.kz.

«Respýblıka ekonomıkasynda 2013 jylǵy shildede (baǵalaý boıynsha) 8,6 mln. adam jumyspen qamtyldy. Ótken jylǵy sáıkes kezeńge qaraǵanda olardyń sany 56,4 myń adamǵa nemese 0,7%-ǵa kóbeıdi», - delingen vedomstvo málimdemesinde.

Oǵan qosa, jaldamaly qyzmetkerlerdiń sany atalǵan kezeńde 5,9 mln. adamdy, jumyspen qamtylǵandardyń jalpy sanynan 69,1% qurady.

Budan ózge, vedomstvonyń baǵalaýynsha, 2013 jylǵy shildede jumyssyzdar sany 467,9 myń adamdy, jumyssyzdyq deńgeıi 5,2% qurady.

Qazaqstan Respýblıkasy Eńbek jáne halyqty áleýmettik qorǵaý mınıstrliginiń jumyspen qamtý organdarynda 2013 jylǵy shilde aıynyń sońyna 58,2 myń adam («Jumyspen qamtý 2020 jol kartasyna» qatysatyndar quramyna engizilgen tulǵalardy qospaǵanda) resmı tirkelgen. Tirkelgen jumyssyzdar úlesi ekonomıkalyq turǵydan belsendi halyqtyń 0,6%-yn qurady.