Shilde aıynda shylym qoraptarynda temeki tartýdyń zııany týraly pıktogrammalar paıda bolady - QR Densaýlyq saqtaý mınıstrligi
ASTANA. 22 sáýir. QazAqparat - Qazaqstanda aǵymdaǵy jyldyń shildesinde shylym qoraptarynda shylym shegýdiń zııany jaıynda eskertetin jáne shylym shegýshilerdiń ishki organdary beınelengen pıktogrammalar paıda bolady,
dep habarlady Rrimeminister.kz saıtyna bergen eksklıýzıvti suhbatynda Medıtsınalyq kómek uıymdastyrý departamentiniń dırektory Ajar Tóleǵalıeva.
«TMD elderi arasynda alǵash ret bizdiń elimizde shilde aıynda shylym oramdarynyń syrtynda aldyn ala eskertý sýretteri paıda boldy, onda tek shylym shegýdiń zııany ǵana emes, qandaı aýrýlar paıda bolýy múmkin sol jaıly sýretter beınelenedi - ınsýlt, ınfarkt jáne t.b.», - dedi A.Tóleǵalıeva.
Sonymen qatar, ol atalǵan pıktogrammalar júkti áıelederdiń túsik tastaý qaýpi jáne teriniń ýaqytynan buyn qartaıýyna shylymnyń áseri týraly eskertiletinin atap ótti.
Budan ózge, Departament dırektory Densaýlyq saqtaý mınıstrligi búgin Kedendik odaq jáne EýrAzEQ sheńberinde pıktogrammalar qoldaný praktıkasyn engizýge belsendi atsalysatynyn habarlady.
Densaýlyq mınıstrliginiń málimetinshe, Qazaqstanda jyl saıyn temeki tartýdyń saldarynan 25 myńnan astam azamat kóz jumady. Aıta ketý kerek, temeki tartýdyń aldyn alý boıynsha is-sharalar zańnamaǵa shekteý sharalaryn engizý arqyly júrgiziledi. Búgingi tańda 2006 jyly DDU temekige qarsy kúres boıynsha Shekti kelisimine Qazaqstannyń bekitýi nátıjesindegi mindetter júzege asyrylǵan.
Osylaısha, «Halyq densaýlyǵy týraly» Kodeksinde 18 jasqa deıingi tulǵalarǵa temeki satýǵa, bólshektep satýǵa, qoǵamdyq jerlerde shylym shegýdi shekteýge tıym salý bekitilgen. «Jarnama týraly» zańda temeki ónimderiniń ishki jarnamasyna tıym salynǵan.
