Shilde aıynda Qazaqstanda ınflıatsııa 0,2 paıyzdy qurady - Statıstıka agenttigi
ASTANA. Tamyzdyń 2-si. QazAqparat /Gúlmıra Álıakparova/ - 2010 jylǵy shildede Qazaqstan Respýblıkasyndaǵy ınflıatsııa 0,2 paıyzdy qurady.
QR Statıstıka agenttigi usynǵan málimetterge sáıkes,ótken shilde aıynda azyq-túlik emes taýarlar 0,3 paıyzǵa, aqyly qyzmet kórsetýler - 0,2 paıyzǵa qymbattady. Azyq-túlik taýarlaryna baǵa ındeksi 100 paıyzdy qurady.
Shildede baǵa jańa saýylǵan sútke 2 paıyzǵa, jumyrtqaǵa - 5 paıyzǵa, kókónister men jemisterge - 1,2, kúrishke - 0,5 jáne qantqa - 0,3 paıyzǵa tómen bolǵany belgilendi. Al baǵanyń kerisinshe arta túskeni qus etine 1,9 paıyzǵa, shaıǵa - 1 paıyzǵa, qaraqumyq jarmasyna - 0,9, mal maıyna - 0,5 jáne nanǵa - 0,3 paıyzǵa baıqaldy.
Baǵanyń ósimi jeke gıgıena taýarlaryna, jýý jáne tazalaý quraldaryna 0,3 paıyzdy, medıtsınalyq dári-dármekter men qurylys materıaldaryna - 0,4 paıyzdy jáne temeki ónimderine - 0,6 paıyzdy qurady. Sondaı-aq atalmysh kezeńde benzınniń baǵasy 0,5 paıyzǵa qymbattady.
Turǵyn úı -kommýnaldyq qyzmet kórsetýler salasynda tarıfter ystyq sýǵa 0,5, taratý jelisi boıynsha tasymaldanatyn gazǵa - 1,3 jáne qoqys shyǵarýǵa - 1,6 paıysǵa ósti.
Sondaı-aq, densaýlyq saqtaý qyzmetteri - 0,7, meıramhanalar men qonaqúıler - 0,8, jolaýshylar tasymaldaýshy temirjol kólikteriniń qyzmeti - 4,7 paıyzǵa qymbattady, al baılanys qyzmetteri 4,4 paıyzǵa arzandady
