Shilde aıynda ınflıatsııa 0,2 paıyzdy qurady - Statıstıka

ASTANA. 1 tamyz. QazAqparat - Aǵymdaǵy jyldyń shilde aıynda elimizdegi ınflıatsııa 0,2 paıyz deńgeıinde boldy.

Bul týraly QR Statıstıka agenttiginiń baspasóz qyzmetinen habarlandy.

Agenttik málimetterine qaraǵanda, ótken aıda azyq-túlik jáne azyq-túlik emes taýarlarǵa baǵa 0,1 paıyzǵa, aqyly qyzmetter baǵasy 0,3 paıyzǵa ósken. Ótken aıda respýblıka boıynsha baǵanyń ósýi ortasha alǵanda qyzylshaǵa 1,8 paıyzdy, kúrishke - 1,6, sábizge -1,5, kartopqa - 1,3, untaq jarmaǵa - 1,2, qantqa - 0,9, bas pııazǵa 0,6 paıyzdy qurady. Sonymen qatar, mıneral sýlar 0,4 paıyzǵa, kondıter ónimderi 0,3 paıyzǵa qymbattaǵan.

Al baǵa tómendeýi qyzanaqqa 12,3 paıyzdy, tátti buryshqa - 12,1, qııarǵa - 11,5, qyryqqabatqa - 5,8, jumyrtqaǵa 3,7 paıyzdy qurady. Al shıki sút 1,5 paıyzǵa, qara qumyq jarmasy - 1,2, kúnbaǵys maıy 0,3 paıyzǵa qymbattaǵan. Kólik qyzmetiniń baǵalary 0,9 paıyzǵa ósse, shashtaraz ben jeke qyzmet kórsetýler, densaýlyq saqtaý qyzmetteriniń baǵasy - 0,4, meıramhana men qonaqúıler qyzmetiniń baǵasy - 0,3, demalys pen sporttyq sharalar baǵasy 0,2 paıyzǵa artqan. Al poshta qyzmeti 1,9 paıyzǵa arzandady.

Turǵyn úı-kommýnaldyq qyzmet tarıfteri boıynsha kárizder men sýyq sýǵa baǵa 1,1 paıyzǵa, baspanany ustap turýǵa 0,2 paıyzǵa artsa, qoqys shyǵarý baǵasy 0,3 paıyzǵa tómendegen.