Shilde aıynda elordada 520 uıym men kásiporyn tirkeldi
ASTANA. QazAqparat - Astana qalalyq statıstıka departamentiniń habarlaýynsha, aǵymdaǵy jyldyń shilde aıynda 520 kásiporyn men uıym tirkelgen.
Jańadan tirkelgen sýbektilerdiń negizgi bóligi «Almaty» (52,3%) jáne «Saryarqa» (27,1%) aýdandarynda shoǵyrlanǵan. «Esil» aýdanynyń úlesi 20,6%qurap otyr.
Jańa zańdy tulǵalardyń 495-i jaýapkershiligi shekteýli seriktestik retinde tirkelgen (ary qaraı-JShS). Budan bólek, tirkelgen kásiporyndar men uıymdardyń 15-i qoǵamdyq birlestikter men qorlar, 4-i memlekettik kásiporyndar, 2-eýi zańdy tulǵalar birlestigi bolsa, 2-eýi mekeme, 2-eýi tutynýshy kooperatıvi bolyp tabylady.
Statıstıka boıynsha, tirkelgen zańdy tulǵalar jetekshileriniń arasyndaǵy erler sany 370, áıelder 150-di qurap otyr. Osy ýaqyt aralyǵynda jabylǵan kásiporyndar arasynda erler 434, áıelder 100 bolǵan, dep habarlaıdy astana.kz.
