Shilde aıynda azyq-túlik taýarlarynyń jekelegen túrlerine baǵa tómendedi - Statıstıka agenttigi
ASTANA. 1 tamyz. QazAqparat - 2012 jylǵy shildede 2011 jylǵy shildemen salystyrǵanda azyq-túlik taýarlarynyń jeke túrlerine baǵa tómendedi.
Bul týraly QR Statıstıka agenttiginen habarlandy.
Atap aıtqanda, atalmysh kezeńde jarmalar 32,4 paıyz, qant - 20,4 paıyz, jemister men kókónister - 13,4 paıyz, un - 10,4 paıyz, maı jáne toń maı - 4,1 paıyzǵa arzandady. Al 2011 jylǵy shildede olarǵa baǵanyń mańyzdy ósýi belgilengen bolatyn.Sonymen qatar, aǵymdaǵy jylǵy shildede baǵanyń ósimi 2011 jylǵy shildege qarsy nanǵa 1,1 paıyz, alkogoldi ishimdekterge - 4,3 paıyz, toqash jáne unnan daıyndalatyn ónimderge - 4,8 paıyz, kofe, shaı jáne kakaoǵa - 5,2 paıyz, sút ónimderine - 5,3 paıyz, kondıterlik ónimderge - 5,8 paıyzǵa tómendegen.
Degenmen, et baǵasynyń ósýi birneshe joǵary qalyptasty, atap aıtqanda: sıyr eti 23,7 paıyzǵa, jylqy eti - 20,5 paıyzǵa, qoı eti - 20,4 paıyzǵa, shoshqa eti - 17,8 paıyzǵa, shujyqtar, etten jasalǵan ónimderi - 9,4 paıyzǵa qymbattady.
Jalpy atap ótilgen kezeńde azyq-túlik taýarlaryna baǵa 3,4 paıyzǵa ósti.
